Ինսուլտի զոհերը կսովորեն խոսել ձեռնոցի միջոցով

Շեֆիլդից 73-ամյա Բիլլ Բրոադի կյանքը, որը 2010-ին ինսուլտ է տարել և կորցրել խոսելու ունակությունը, կարող է փոխվել յուրահատուկ ձեռնոցի ստեղծմամբ, որը ձեռքի շարժումները վերածում է խոսքի:

Կաշվե ձեռնոցում սենսորներ կան, որոնք որսում են շարժումները: Այսինքն` համակարգը ժեստերի լեզվից պարզ է: Դրա հեղինակներն են Շեֆիլդի համալսարանի գիտնականները: Ձեռնոցը հնարավորություն է տալիս հրաժարվել այբուբենն օգտագործող ստանդարտ համակարգերից: 

Մի քանի ամսում տղամարդը սովորել է մոտ 20 արտահայտություն, որոնք հերիքում են գոնե նախնական մակարդակով շփվելու համար: Եթե Բիլլ Բրոադն ավելի շատ բառեր սովորի, ապագայում նա կկարողանա լիարժեք զրուցել: Ներկայումս ձեռնցն ունի ավելի քան 1 000 բառ սովորելու գործառույթ,- գրում է Мeddaily.ru-ն:

Գիտնականները նաև մտադիր են, ձեռնոցում առկա համակարգչային ձայնի փոխարեն, ստեղծել ավելի բնական ձայն: Ձեռնոցն արժե մոտ 700 ֆունտ և աշխատում է մարտկոցով, որի լիցքավորումը հերիքում է մեկ շաբաթ: Կա 7 տարբեր ռեժիմ` «փողոցում», «տանը» և այլն: Առայժմ ձեռնոցը պատրաստ չէ զանգվածային վաճառքի համար:

Ավելի վաղ հայտնում էին, որ ստեղծվել է սիրելի սմարթֆոնից օգտվելու նոր միջոց` hi-Call տաք և փափուկ ձեռնոցը: Սարքի հետ փոխազդելու համար hi-Call-ում օգտագործվում է Bluetooth-ինտերֆեյս, որն ապահովում է անլար կապ մինչև 12 մ հեռավորությունից: Ձեռնոցը տիրոջը ինքնուրույն զանգեր կատարելու հնարավորություն է տալիս: Սարքն աշխատում է մարտկոցով, որն ակտիվ է լինում մինչև 10 օր սպասման ռեժիմի դեպքում և մինչև 20 ժամ` խոսելու:

Հարցեր, պատասխաններ, մեկնաբանություններ